అవి పల్లెటూరి పాఠశాలలో చదువు ముగించుకొని కళాశాలకై మొదటి సారిగా పట్నంలో అడుగు పెట్టిన రోజులు. ఒక రోజు మా అత్తయ్య కొన్ని కాగితాలు ఇచ్చి వాటిని ఫోటోస్టాట్ తీయించుకుని రమ్మంది. నేను ఫోటోస్టాట్ అంటే ఏమిటి అది ఎక్కడ తీస్తారు అని అడిగాను. మా అత్తయ్య చాలా కొట్ల ముందు జిరాక్స్ అని వ్రాసి ఉంటుంది. అక్కడికి వెళ్లి అడిగితే వాళ్ళే తీసి ఇస్తారు అని చెప్పింది. నేను ఊరంతా తిరిగి వట్టి చేతులతో తిరిగి వచ్చాను. ఏరా ఫోటోస్టాట్ ఎందుకు తీయించలేదంటే "నాకు ఎక్కడా జిరాక్స్ అని కనపడలేదు కానీ ఒకటి రెండు చోట్ల మాత్రం ఎక్స్ రాక్స్ అని వ్రాసి ఉంది. నువ్వు చెప్పిన కొట్టు అదో కాదో అని నేను వెళ్ళలేదు" అని చెప్పాను. ఇది తలచుకుంటే అప్పటి నా అమాయకత్వానికి నాకు ఇప్పటికీ నవ్వు వస్తుంది.
కామెంట్‌లు లేవు:
కామెంట్‌ను పోస్ట్ చేయండి